Laetabundus

 

1.

Laetabundus

Exsultet fidelis chorus.

Alleluja.

 

2.

Regem regum

Intactae profudit thorus:

Res miranda!

 

3.

Angelus consilii

Natus est de Virgine;

Sol de stella.

 

4.

Sol occasum nesciens,

Stella semper rutilans,

Semper clara.

 

5.

Sicut sidus radium,

Profert Virgo filium,

Pari forma.

 

6.

Neque sidus radio,

Neque mater filio

Fit corrupta.

 

7.

Cedrus alta Libani

Conformatur hyssopo,

Valle nostra.

 

8.

Verbum ens Altissimi

Corporari passum est,

Carne sumpta.

 

9.

Isaias cècinit,

Synagoga meminit,

Numquam tamen desinit

Esse caeca.

 

10.

Si non suis Vatibus,

Credat vel gentilibus:

Sybillinis versibus

Haec praedicta.

 

11.

Infelix propera,

Crede vel vetera:

Cur damnaberis, gens misera?

 

12.

Quem docet littera,

Natum considera:

Ipsum genuit puerpera.

Alleluja.